犬儒與無力

年關之際，遇見一個前受訪者張生，他苦笑道：「瓊華就來執笠，但香工都面臨相同命運，我哋幾個星期收到業主的通知，要係過年前清場搬走，三個月裝修，之後半年要以辦公室形式去租，即係唔俾我哋做生意！霸權至此，你哋報導吓！」

2月6日，不少商戶已搬遷。

位於荔枝角的香港工業中心（香工）是香港最大的時裝批發中心，大約有500間批發店。受影響的是位於一樓大約一百間商戶，事緣業主向政府申請起樓時，一樓為辦公室用途，但管理公司卻把它間成大約一百個格仔鋪，分租出去。張生在香工有兩間鋪。

張生說，其實兩年前簽約時業主已告知，香工一樓是辦公室用途，不過業主表示正遞紙補地價，以將一樓轉換成商業用途，所以如果租戶用來開零售店，他們也會睜一隻眼閉一隻眼，當然條約也清楚寫明，業主可隨時收回店鋪，而不用賠償給租戶。

編輯聽了故事內容，只是淡淡地說：「既然佢簽合約時已知當中風險，自由市場，你情我願， 咁無得怪業主。嗰故仔難做。」

不少商戶表示，原本過年是他們生意最好的季節，
但因為要搬遷，而要減價賤賣貨品，以減少蝕本。

把公義彰顯寄託於傳媒的張生忿忿不平地埋怨：「但業主實在太過分了！一個月先前通知，租戶都入咗下一季貨，點知無得做。裝修使唔使三個月啊？唉，新年連執幾間鋪，都唔知係唔係犯太歲？」張生剛在今年一月於瓊華開了一間零售店，但亦收到業主要搬遷的指令。

只是當問道張生會否以受害者身份站出來表態時，他立刻搖手道：「我係地下租咗間鋪，費事啦！呢層一定有好多憤怒業主，你試下搵佢哋。」

面對不公義，犬儒的不單是傳媒。