一元的憤怒

在屋邨的一家麵包店前，一個穿著時髦的中年女子和店員在講價，店員是一個說話帶鄉音，胖胖的師奶。對話漸演變成為一場鬧劇。

女子：「唉呀，唔係四蚊一個咩？」

店員：「八點以後先係。」

女子：「仲差少少唧，便點賣俾我啦，我真係好鐘意食。」

店員：「唉呀，而家先七點，仲有成個鐘先到八點，你鐘意食，就唔會計較嗰一蚊啦！」

女子：「我之前都買過，你都肯平俾我，今次都算啦。」

店員：「我唔係老闆呀，如果我係，都無問題。一蚊唧，你唔係無錢到連嗰一蚊都俾唔起啊？」

女子：「你使唔使咁講嘢啊？咁唔通情達理，平一蚊唧！」然後忿忿不平地離開了店鋪。

店員：「唉，點講嘢啊，咁真係未夠鐘啊嘛，公司規矩係咁，我邊話到事。真係鐘意食，就唔會計較嗰一蚊啦。」

她繼續幫不同的客人下單。停了下來，再喃喃說：「唉，倒也是，人家夠慳，所以應該住豪宅。我呢啲，唔識計數，所以咪仲係鋪頭仔做緊。」

她轉身檢查收銀機上的單，「唉呀，我頭先入錯咗單，細佬明明無叫12蚊腸粉，但都入咗。唉⋯」

「為咗一蚊搞到自己咁激氣，唉，真係⋯」

然後有幾位在旁買麵包的人見狀，為師奶店員抱不平。