明知故犯

「哪，要知道一個男人有無外遇，好易㗎咋，一係佢放棄咗平時嘅興趣，好似集郵，因為佢啲興趣都係嗰女人身上；二係，佢突然對你好好，送禮物，因為佢內疚。你留意吓，所有男人都逃唔過呢兩樣，如果佢有婚外情的話。」他驕傲地說。

「我敢咁講，因為我試過。哈哈！」他拋出一句。

在沒有徵兆的情況下，他告訴我他的故事。

他跟太太在婚後因為悶，便跟一個小三發生了婚外情。「佢細過我一大截，佢話唔介意，但我點都有點介意。但可能我嘅性格又鐘意冒險。好似幾刺激吓，所以咪一齊咗。」他有點不自然地說。「不過，去到一個地方，你會懸涯勒馬，因為佢話要結婚，咁你已知大鍋啦，咪砍纜。」

「佢最初知唔知你已結婚？」

「嗯，知。」他支吾答道。

「咁好彩佢都無做啲乜去搞你。太多小三case，最後係一拍而散。」

「係呀，都好複雜㗎。不過，都好彩，如果我老婆知道咗，實家破人亡都遲。我老婆係好傳統嘅人。」他低頭道。「可能我以前都玩慣咗，成日都有女主動投懷送抱，結咗婚之後，覺得有點悶，又想玩返。但無了，試過一次，夠了。」

他年輕的時候有夾band, 解散前的名字叫機關槍，經常都在不同的場合表演，包郵艇搞Party, 去康民署的活動表演。最後跟樂隊女主音結婚了，雖然他們一開始只是拍拖半年，但他卻要去別國讀書。

「哇，過咗三年，都仲返來娶佢，佢開心都來唔切。不過係異國，都搞到好大件事，好彩嗰女仔阿爸唔鐘意外國人女婿，唉⋯下次先同你講啦。」他已一臉的不自在。

他說，他太太不知道當中的婚外情。大概是他太低估女人的觸覺，然後想到了關淑怡版本的《明知故犯》。一個有歷練的女人，或許她只是忍住。他是知道的，因為他說他玩音響，太太是支持的，他可以留在家，不必擔心他出去玩其他東西。

如此的一個女人，婚後有了女兒後，專心地做一個家庭主婦，家庭是她的全部；女兒反叛，她擔心得有了情緒病，三更半夜倚床，目光呆滯地喃喃自語；自己的男人有婚外情，她忍，還好換得浪子回頭。

做女人很辛苦，做一個浪子的女人更慘。

「得到你的愛情 還要再得到你任性」